عانقت جدران منتدانا …
....عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ...
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى سنتشرف بتسجيلك
شكرا
ادارة المنتدى
عانقت جدران منتدانا …
....عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ...
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى سنتشرف بتسجيلك
شكرا
ادارة المنتدى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 مــو غريبة أشبيك مستغرب....؟؟؟

اذهب الى الأسفل 
كاتب الموضوعرسالة
ناوي احبك
المشرف العام
المشرف  العام
ناوي احبك


ذكر
عدد الرسائل : 148
العمر : 34
العمل/الترفيه : طالب
المزاج : مررررح

مــو غريبة أشبيك مستغرب....؟؟؟ Empty
مُساهمةموضوع: مــو غريبة أشبيك مستغرب....؟؟؟   مــو غريبة أشبيك مستغرب....؟؟؟ I_icon_minitimeالخميس يونيو 18, 2009 7:49 am

مــو غريبة أشبيك مستغرب....؟؟؟


*********

موغريبة أشبيك ....العراق والصومال وبعد فد دولتين يمكن وحدة منهم ما نازلة بتصنيفات الدول الان لحد الان ملاكين هي وين اصلا....مو غريبة انو هاي الدول الاربعة اكثر بلدن العالم في الفساد الاداري والمالي والثراء السريع والفاحش من القرصنة الصومالية الى قرصنة المقاولات بالعراق وانتة صاعد...؟

موغريبة أشبيك....بعد مرور (5) سنوات على النظام الجديد والحرية ولحد الان نصرخ ونلطم ونصرخ النظام البائد والمقابر الجماعية وفلان وفلان .... الغريب اننا نبدأ صفحة جديدة ونطوي الماضي على الاقل لو منبوك حتى انبين انو احنة جينة لمصلحة الشعب وهمنة العراقي المسكين ....بس وين الي يسمع؟؟؟

موغريبة أشبيك....هلاهل وجيلات ودبجات والاعلام مخبوص وتصوير !! والله شنو القطار مال الفلوجة اشتغل من جديد بسرعة 70 كيلو .....ولازم كشرط على إستمرار رحلاتة الصاروخية هو وجود كل (50 متر) جندي عراقي لحماية السجة؟؟؟؟

موغريبة أشبيك.... بمناطق ديالى وكركوك والموصل اكو جيش عراقي واكو جيش عراقي اخر وواحد مالة علاقة بالاخ اشلون بالله ...اكلك أشلون السلطة الاولى الي مالها سلطة هي الحكومة والسلطة الثانية أي السلطة الفعلية هي قوات الاقليم؟؟؟؟؟

موغريبة إشبيك....الكويت ماخذة حفنة من الآبار واتكول والله مالتي ترضون ما ترضون والي ما يرضة يطك راسة بأقرب حايط!!! ايران تقصف بينة وهم مأخذة حفنة وتكول هاي كاعنة اخذتوه من جنتوا اتخوفون !!! تركيا طابة جم مية كيلومتر والله شنو انطارد المتمردين!!! سورية زعلت وكالت ترة راح اطرد اللاجئين العراقيين صح هم قليلين جدا يعني فد جم مليون بس ترة اهججهم بليلة ظلمة اذا بعد الاباتشي هجمت بيوت جم واحد بكاعنة !!! المملكة الأردنية الهاشمية بعد ما تقبل التريلات مالتنة اتفوت اتكول أأأأأأأأأأأوي قديمة كولش وما تليق في بلد مثل المملكة !!!! السعودية اتريد تبني ساتر الله يعلم اشعلوة والله شنو !!! ارض الشقاق والنفاق والطائفية وانخاف تنشق المملكة المعظمة من وراكم ؟؟؟؟


موغريبة إشبيك....نستورد من دول الجوار (بصل تماتة خيار بطيخ رقي تمر مي شرب بتيتة خضروات خشب كراسي كووووووووووووولشي يخطر ابالك ليش بالله مو عدنة نهرين اكبار كولش مو احنة اول ارض صارت بيه زراعة مو الكتابة السومرية اول كتابة مو العجلة احنة سويناه مو مو مو !!!!


موغريبة إشبيك.....يسافرون (10) مسؤولين كبار جدا لحضور مؤتمر او ملتقى اقتصادي من اجل الشعب العراقي العظيم !!! يرجعون (4) ويبقون(6) لجووووووووووووووء؟؟؟؟؟

موغريبة إشبيك.... أنو القوات الصديقة اربعة وعشرين ساعة اتفكر اشلون اطلع الغرباااااااااااااء من العرب والايرانيين من العراق!!!! بس لو بس أعرف لعد همة اشلون صاروا اهل البيت ومو غرباء بقدرة قادر ما ادري أشلون؟؟؟؟

موغريبة إشبيك....النفط كولش رخيص صاير يعني حسبة (50) دولار واشوية يصعد بس النفط العراقي يحسبوه بــ(25) ليش بالله هاااااااااااا سألتني ليش.... والله شنو نفطكم خابط وما عدكم مصافي خطية احنة نشتريه وانصفيه برة وارجعة الكم بـــ(100) دولار__ خوش حبابين ؟؟؟؟

موغريبة إشبيك....الميزانية (80) مليار مدري اشكثر !!! وبمهرجان البصرة عاصمة الثقافة العراقية لعام 2009المدعوين بس (200) فقط !! ليش يابة هااااااااا سألتني ليش لان والله فلوس ماكو وتعرف مصاريف مبيت ونقل ومي شرب وجكاير _منين انجيب؟؟؟؟؟

موغريبة إشبيك.... جنة قبل انطالب بأراضينة المغتصبة من دولة معروفة ....بس هسة (18) محافظة كل وحدة اطالب بأراضي تابعة للمحافظات الجوار ....لا ومو بس هاي اصور محافظ محافظة عراقية يفوز ليش والله لان قبل الانتخابات كال الة ارجع (النخيب) للمحافظة لان هي المدينة التاسعة عشر الهاي المحافظة ؟؟

موغريبة إشبيك.... من يصير حادث او انفجار مثلا في بغداد يطلع على الشاشات الوزير الفلاني يكول صحيح صار الحادث ورة اشوية يظهر وزير اخر يمكن جان نايم أأأأأأأأأأأأو؟؟؟؟ وميدري هو شنو الحادث اصلا يكول لا ابدا مصار شيء ودمرنة اوكار الارهاب وحطمنة قيود الظلام وكسرنة رؤوس الشر ...يطلع المتحدث عن؟؟؟؟ يكول حقيقة هو الحادث عرضي ومكان مقصود ...بس بنفس الوقت على شاشة اخرى عضو البرلمان الحضاري الهادئ الوقاري التشاوري يحجي يكول هاى مؤامرة لاسقاط الحكومة من قبل كتل معروفة بهذا النهج ال؟؟؟؟؟؟؟؟؟؟؟؟؟؟؟؟ ال؟؟؟؟؟؟؟؟؟؟؟ ؟؟؟ وضاع على الشعب الخيط والعصفور.


موغريبة إشبيك .... البطالة واصلة للستار وديجون الالاف من البنكلادشيين يشتغلون ابغداد ويشغلون كل مكان شاغر الان الظاهر السكن هم كولش زايد على الشعب بحيث يجون من برة يباتون ويانة ويأجرون ويشتغلون ...الظاهر التخطيط الحضري والاقتصاد الحديث العراقي يمشي على نظرية ....زاد الطين بللللللللللللللللللللللللللللة؟؟؟؟


موغريبة إشبيك ....وانتة ماشي رايح الصديق او موعد او شغلة رايح عليك يا الله لو تلكي الي تريدة صدفة لو ما تلكيه ...ليش لانك (16) الف مرة حصلتة وهو يسمعك بس انتة ما تسمعة بحيث خلص الرصيد وما افتهمت هو راح يجي لو لا واشوكت ....وهم وانتة ماشي لو صاعد بالباص بس تسمع الشعب المترف كلة الوووووووو الوووووووووو يمعود تسمعني الوووووووووووووو اي اي اي اي اسمعك احجي قبل لا ينكطع اهوووووووو هم راح الصوت ...اي اي اي رجع الصوت الووووووووووووو ها تسمعني ...اوك زين انتة مدري تسمعني مدري لا المهم اني جاي بهيج وقت عليك ...مع السلامة ولو ما اسمعك ؟؟؟؟


موغريبة إشبيك....صار كم سنة هجموا الدنيا بشغلة الاعمار إعماااااااااار وإعماااااااااااااااااار وراح وراح نسوي العراق دبي وانسويه سدني وانسويه نيويورك ...ومو غريبة انصدك ليش لان الميزانيات العملاقة والمذهلة والقروض ومؤتمرات اعادة بناء العراق والمنح الكورية والصينية والهندية والفرنسية صارت بالعشرات وما كمنة نلحك أنعدهن ....بس الصدمة والفاجعة وانهيار الاحلام بعد كل هذا يطلع مسؤول مالي عراقي يكول عام (2010) راح يكون عام صعب على الاقتصاد العراقي ويا موظفين ويا عراقيين ضمضموا افليساتكم واتحضروا ترة خيركم بعد ما يلحك على المعيشة الان الاسعار ما تتناسب وية الرواتب ؟؟؟؟؟ زين عيني لعد وين الاعمار وين الاحلام وين دبي ....غريب عجيب امور قضية ؟؟


موغريبة إشبيك.... وين الطائفية اوين التعنصر والانتماء ابدااااااااااااااااااا ماكو وهذا الامر مستحيل يكون بعد يجوز يصير في طبقات بسيطة من الشعب احتمال يتعنصرون ويعملون بشكل طائفي عرقي ....يارب يكون صحيح ويمكن صحيح بس ملاحظة مو جبيرة كولش ممكن تعتبرها سؤال يدور على جواب ....رئيس جمهورية ا لعراق الاتحادي الفيدرالي الواحد الموحد بالشعارات بس ....يقول وبالحرف الواحد (كركوك) هي مدينة كردية ولن نتنازل عنها ...وان مكاسب الاقليم هي المكاسب الحقيقة لنا فكيف نسمح بضياع شيء منها .....والله حيرة هسة اشلون رئيس العراق واشلون اتريد جزء من العراق للاقليم ...لالالالالالالالالالالا ابدا ماكو طائفية او عرقية او كل حزب يجمعون بما يكدرون عليه من هذا الوطن ؟؟؟


مو غريبة إشبيك.... حسب ما أذكر فد يوم من أيام عام 1998 في ايام الحكم السابق كالوا هذا اخر يوم تطفي الكهرباء واذكر بهاي المناسبة عزمني صديق اني وجم واحد من الصدكوا هاى الجذبة لان كانت عندة مشاريع تحتاج كهرباء مستمرة وحسب ما علنوا انو بعد هاي هية وابدا ما ترمش الكهرباء ....وهي الحطة حطة وهسة هو سافر مدري وين الان مل من الاحلام والاوهام والوعود وهاي المعظلة الي حتى زامبيا وموغابي هم اتغلبوا عليه .....وعلى حطة ايدك هاى عام 2009 وماكو كهرباء يعني بين قوسين (12) سنة من العمر طارت علينة وماكو شيء جديد متكلي بعد اشلون اتحب بلدك ويصير عندك تفائل بعد؟؟؟

مو غريبة إشبيك....شغلتين بالعراق وية عدد أيام السنة يصيرن الشغلة الاولى كل يوم اكو مشكلة جديدة سواء بين الشعب او البرلمان او القوائم او بين القوائم نفسه او كركوك او الموصل او نفط كردستان او تصريح من هذا وذاك او طبطبات مال يومية الريوك جم عشرة عراقيين يغادرون هاي الدنيا ....والشغلة الاخرى ولادة مطرب عراقي جديد يغني كلمات حية ودرج هم ما ترهم لغز هم ما يرهم كلمات متقاطعة وهم ما ترهم ....وجواه مكتوب اغنية نجم نجوم سماء الابداع التألق المطرب الجبار مدري منو واللقب مالتة رهيب وخطير وملفت للعجب ...وجواه انوب كلمات الشاعر الذهبي والساحر اللغوي مدري منو مدري منو ....بحيث مرات تحلف الة ما تسمع اغاني اقل شيء اتحافظ على وجهك ما يتعقج من ؟؟؟؟؟ او اتحافظ على تغذيتك لان شرط اكو اغاني اذا سمتعه قبل الاكل مراح تاكل وهاي طبعا سمة من سمات سماء الاعجاب الابداع والتالق الفني والطربي الجديد ؟؟؟؟؟؟؟؟

مو غريبة إشبيك .... الطبقية بالعراق صايرة شي كولش واضح وفي إزدياد واضح كل يوم وفد مثال جدا بسيط اشوفة يومية بالشارع يتمثل ....سيارات الهمر وبعد أشكم نوعية ما اعرفهم لاني من طبقة مو طاكة وهمي اشلون أقرأ الجرايد مال الصبح وية اسكان الشاي فهاي الشغايل ما ادري شنو اسمائه وابيش بس اشوف بعيني انو ازدياد قوي كولش بهاي النوعيات يقابله ازدياد الى حد الملل من كثرة إلي يشحذون او يبيعون العلكة او السيجاير بالطرقات واكيد راح اتكلي هذا الامر موجود بكل بلد اكلك لا ابدا خلي كل واحد بينة يصفن ويركز ويشوف انو هذا الموضوع مستحيل يكون طبيعي والي ميريد يصفن خليه ينتظر كم سنة حتى يلمس الواقع الي راح يصير ....والله الي يستر ؟؟؟


مو غريبة إشبيك ....الأزمة المالية صار العالم بهزة من وراهة ومن الخوف من الافلاس لان يومية فد مؤسسة عملاقة اتكوم تبجي وادك اليتيمة والله فلسنة ....بحيث اكو دول الخزانة بيه صفرت وهجوا رؤسائه برة يمعودين الحكونة ....بس بوسط كل هذا الهوسة..... الحلو انو العراق ولا يدري عبالك بالقمر عايش.....زيييييين منو يعرف ليش ...اني اعرف ليش .....لانو احنة بالناحية الاقتصادية ما عدنة نفس المقاييس الي ماشي عليه العالم احنة مقياسنة ( جييييييب وسوي واسطة والطش والله كريم ) وبعدين ايبين الشغل ...فلا تستغرب مرات الصدف والعشوائية اجيب شغل احسن من معاهد الدراسات الستراتيجية وتقارير دورية خاصة بالامن القومي لكل بلد ونظريات اقتصادية متطورة والدليل انو العالم على وشك الانهيار واحنة ولا ندرررررررري شكو وهو شنو الموضوع اصلاً....؟؟؟؟

*******
الرجوع الى أعلى الصفحة اذهب الى الأسفل
https://gram.forumpalestine.com/profile.forum?mode=register&agree
ناوي احبك
المشرف العام
المشرف  العام
ناوي احبك


ذكر
عدد الرسائل : 148
العمر : 34
العمل/الترفيه : طالب
المزاج : مررررح

مــو غريبة أشبيك مستغرب....؟؟؟ Empty
مُساهمةموضوع: رد: مــو غريبة أشبيك مستغرب....؟؟؟   مــو غريبة أشبيك مستغرب....؟؟؟ I_icon_minitimeالجمعة مارس 19, 2010 9:56 am

شكراً
الرجوع الى أعلى الصفحة اذهب الى الأسفل
https://gram.forumpalestine.com/profile.forum?mode=register&agree
 
مــو غريبة أشبيك مستغرب....؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ™ˆ°¾§¶ منتدى قهوة ... وسوالف الاعضاء ¶§¾°ˆ™-
انتقل الى: