صفات الحدايق ؟؟؟

صفات الحدايق :-

1 - الجيب فارغ ولافلس بيه و فلوس جكاير ما عندة هاي اذا هوة يدخن .
2 - شكلة يكون مرتب لان كاعد ما وراه شي يكعد يرتب بنفسةو يمشط و يحط جل و هاي السوالف .
3 - و بهالحال بما انه هوة حديقة راح يكوم يفخفخ و اني عندي بي ام خفاش و بيتي ملك و هاي السوالف كل قنبلة تكول اني .
4 - محد يلفيه باي مكان ما عدا المنتديات و على الياهو والشات
5 - دومة يدور على شغل خطية يعاني .
6 - من كثر الكعدة ما بيه حيل يسوي شي .
7 - يسهر بالليل و ينام بالنهار هاي اذا نام .
8 - ينطبق عليه المثل ( تجيك التهايم و انتة نايم )كل يوم جايتة مشكلة و هوة خطية لا بيهة و لا عليهة و اصلا هوة ما يدري بالدنيا شكو .
9 - يلعب دومنة و طاولي هواية و ما يلعب شطرنج لان بالة مشتت دائما و كل حسبة اقوة من الوراهة او من القبلهة .
10 - اكثر الكلمات اللي يرددهة ( ما بيه حيل , متعاجز ) طبعا لان متكسر من النوم و الكعدة بالبيت .
11 - البيت كله عداوة وياه و من يشتغل الكل يحبوهو يتلوكولة و شيريد يجرالة .
12 - اذا اشتغل راح جسمة كلة يكوم يوجعةالسبب بالنقطة10 .
13 - يدخن هواية و يشرب جاي التنكرات .
14 - نظرة يضعف نتيجة انه هوة مكابل الحاسبة و التلفزيون .
15 - محتمل يصير هكر من الضوجةووقتة كلة كاعد على النت و ماكو موقع ولا منتدى يعتب عليه

حلوة ياحديقة